Жылжымалы есірткі дүкені

Полиция департаментінің қызметкерлері психотроптық дәрілік препаратты заңсыз сатқан Атырау қаласының 45 жастағы тұрғынын ұстады.

- Күдікті Құнанбаев көшесіндегі №30 «А» үйдің жанында ұсталды. Тінту кезінде 40 трамадол пластинкасы мен көзге тамызатын тропикамид препаратының 25 данасы табылды. Дәрігердің рецептісі бойынша берілетін дәрілік препараттарды заңсыз сатқаны үшін жауапқа тартылады, - деп хабарлады Атырау облыстық ДП баспасөз қызметі.

Фархат ӘБІЛОВ

Полиция департаментінің баспасөз қызметі ұсынған суреттер

Трамадол — психотроптық апиынды анальгетик, жоғары дозада дағдылануды және алғашқы қабылдағаннан кейін тәуелділікті тудырады. Оны үнемі пайдалану ағзаның және психиканың қайтымсыз күйреуіне әкеледі.

Тромикамид - есірткіні қабылдау сезімін күшейтеді және нашақорға негізгі заттың дозасын «үнемдеуге» немесе анағұрлым күшті эйфориялық реакцияны тудыруға мүмкіндік береді. Осылайша, бұрын қолданылған есірткіге құштарлық артып, Тропикамидтің өзіне тәуелділік пайда болады.