Атырау, 15 қараша 09:45
Күндіз ашық+6, кешке +1
ҚР Ұлттық банкінің валюта бағамы: $ 388.49  € 427.26  P 6.06

Сарқын суды енді жеке меншік көліктер ғана сорады

1 қараша 16:17


«Атырау Су Арнасы» КМК жыл соңына дейін ақылы түрде сарқын суды (септиктерді) сору қызметін көрсетпейтіндігін мәлімдеді. Кәсіпорынның баспасөз қызметінің жетекшісі Азамат СӘРСЕМБАЕВТЫҢ айтуынша, бұл қызмет тиімсіз.

- Біз монополист немесе осы нарықтағы ірі қатысушы емеспіз. Бізде тек 19 вакуум бар. Бәлкім, бұл нарықты жеке фирмалар монополияға алатын шығар, - деп жауап берді АСА өкілі.

Дегенмен де, кәсіпорын әлеуметтік міндеттемелерден босатылмайды және көп су басқан, орталық кәріз желілерінде ақаулар болған және т.б. кездерде тұрғындарға қызмет көрсетуді жалғастырады.

- Бізде 8 вакуум бар, - деп хабарлады өз кезегінде «Арнаулы автобаза» ЖШС-нің баспасөз қызметінде. - Біздің компания ешқашан жеке тұлғалардың өтініші бойынша ақылы қызметпен айналысқан емес, біз тек заңды тұлғалармен жұмыс жасаймыз. Маусымдық нөсер кезінде де суды тартып шығарамыз. Бірінші кезекте әлеуметтік маңызы бар нысандарға - балабақшаларға, мектептерге, емханаларға, содан кейін су басқан аймақта орналасқан орталық көшелер мен ықшамаудандарға назар аударылады.

Шынымен де енді бұл нарық жеке кәсіпкерлерге өтетін шығар. Олар көктемде бір рейстің құнын 5 мыңнан 7 мың теңгеге дейін көтерген еді. Бәлкім, олар осы жағдайды пайдаланып, бағаны одан сайын көтеріп жіберетін шығар.

Зульфия ИСКАЛИЕВА

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1442 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3

Последние новости