Махамбет ауданындағы Бейбарыс ауылында 20 жастағы жігіт пен 18 жастағы қыздың өз-өзіне қол жұмсауы туралы істі сотқа дейінгі тергеу тоқтатылды.
Естеріңізге салсақ, осы жылдың 12 тамызында жастар үй ауласындағы жазғы душқа асылып қалған болатын. Белгілі болғандай, қыз Бейбарыс ауылының тұрғыны, ал жігіт Талдыкөл ауылынан. Олар бір-бірімен бұрыннан таныс, қыздың биыл медицина колледжіне оқуға түскені де белгілі. Аудандық полиция бөлімі ҚР Қылмыстық кодексінің 105-бабы бойынша («Өзiн-өзi өлтiруге дейiн жеткiзу») сотқа дейінгі тергеу жұмыстарын бастап, тиісті сот-медициналық сараптамалар тағайындаған еді.
Енді Полиция департаментінің баспасөз қызметі хабарлағандай, сотқа дейінгі тергеу нәтижелері бойынша ҚР Қылмыстық-процестік кодексiнің 35-бабы 1-тармағының 2-тармақшасына («Іс-әрекетте қылмыстық құқық бұзушылық құрамының болмауынан») сәйкес, іс тоқтатылды.
Зульфия ИСКАЛИЕВА