Жыл соңына дейін Атырауда апатты жағдайдағы 6 жатақхананың тұрғындары қоныс аударады

2 974 просмотра

Бұл туралы өңір басшысы Нұрлан Ноғаев Telegram-дағы «Атырау облысының әкімдігі» чат-каналында мәлімдеді деп,- хабарлайды Өңірлік коммуникациялар қызметі.

Облыс әкімінің мәліметіне сәйкес, бүгінде облыс орталығында 12 апатты жатақхананың тұрғындары көшірілуі тиіс екен. Бұл үшін Атырауда бюджет есебінен 240 пәтерге есептелген 6 үйдің құрылысы жүргізілуде.

- Жыл соңына дейін Береке ықшам ауданында 3 үй пайдалануға тапсырылады. Осыған орай, 6-7 жатақхананың тұрғындарын көшіруге мүмкіндік туады. Мердігерлердің уәделеріне сүйене отырып, 6 үйді де тапсыруды жоспарлаған едік. Өкінішке орай, құрылыс материалдарының жетіспеушілігі және басқа да себеп-салдарға орай, тек 3 үйдің ғана құрылысы аяқталады деп күтілуде. Қай жатақхананың тұрғындары көшірілетінін қосымша хабарлаймыз. Қалған 3 үй келесі жылдың бірінші жартыжылдығында тапсырылады.

Өңірлік коммуникациялар қызметі

23 қазан 2019, 10:26

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.