Атыраудағы төрт алаң қайта жөндеуден өтеді

Қазіргі уақытта Привокзальный тұрғын үй массивіндегі Мұқашев атындағы алаңда (тұрғындар Арбат деп атайды) жұмыстар жүргізілуде.

Бұл жерде басқа алаңдардағыдай (Д. Нұрпейісова, Құрманғазы, Смағұлов атындағы алаңдар) жолдар тегістеліп, жаңа орындықтар, заманауи жарықтандыру жүйесі, субұрқақтар орнатылады.

- Өзіндік дизайны бар кеспе тастар да төселеді. Қалалық ТКШ, жолаушылар тасымалы және автомобиль жолдары бөлімі мердігерлік ұйымды анықтады. Бүгінде  Привокзальныйдағы Мұқашев атындағы алаңда жұмыстар қызу жүріп жатыр, - дейді қалалық ТКШ бөлімінің баспасөз хатшысы Аңсаған САҒЫНБАЕВА. - Қалған үш алаңды қалпына келтіру жұмыстары келесі жылы басталады.

Анастасия АЛЮШИНА

Суреттерді түсірген автор