Атырау, 20 қазан 08:55
Күндіз ашық+18, кешке +11
ҚР Ұлттық банкінің валюта бағамы: $ 389.94  € 433.50  P 6.10

Бакуде бейбіт жиын өткізу құқығын талап еткендерді ұстады

9 қазан 09:44


Әзербайжан астанасы Бакуде 8 қазанда полиция бейбіт жиын өткізу құқығын талап еткендерді ұстады. Кейбір дереккөздер рұқсат етілмеген акция кезінде 30 адамның ұсталғанын хабарлады.

Сейсенбі күні күндіз бір топ оппозиция белсендісі қалалық әкімдік алдына жиналып, орталық стадионда митингі өткізуге рұқсат бермегені үшін наразылық білдірді. Бұған дейін қала әкімдігі жиынға қатысатын адамдар саны 50-ден аспаса ғана орталықта жиын өткізуге рұқсат деген. Билік оппозиция белсенділеріне қала орталығындағы стадионның орнына қала сыртында митингі өткізуді ұсынған.

Әкімдіктің бұл шешіміне наразы болған "Әзербайжан демократиялық күштерінің ұлттық кеңесі" наразылыққа шақырған.

8 қазанда 20-30 шақты азамат әкімдік алдын қоршаған полиция шебін бұзуға тырысқанмен құқық қорғау орган қызметкерлері оларды күшпен таратуға тырысып, кейбірін ұстады. Ақпарат құралдарына оқиға орнынан ақпарат таратуға тыйым салды.

Баку полициясы "бейбіт жиын өткізу тәртібін бұзғаны үшін" 17 адамға сөгіс берілгенін хабарлады. Төрт адамның үстінен сондай айып бойынша әкімшілік хаттама толтырылған. Бес адамның ісі сотқа жіберілген. 

"Әзербайжан демократиялық күштерінің ұлттық кеңесі өкілдері" наразылардың заң бұзбағанын, бейбіт жиынға келгендердің құқығы бұзылғанын мәлімдеді. Келесі митингі 19 қазанда өтеді.

Әкімдік алдында наразылар тобына қосылмай "Президент Әлиев, біз сізбен біргеміз" деген жазуы бар плакат ұстап тұрғандар да болды.

10 миллион тұрғыны бар Әзербайжанды 2003 жылдан бері Ильхам Әлиев басқарып отыр. Ол 2003 жылы Әзербайжанды 1993 жылдан бері басқарған әкесі Гейдар Әлиев қайтыс болғаннан кейін оның орнына президент болып сайланған. 2018 жылы сәуірдегі президент сайлауының ресми қорытындысы бойынша сайлаушылардың 84 пайызының қолдауына ие болған.

Дереккөз: Азаттық радиосы

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

216 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3