Шенеунік әйел шетелдіктерден жүйелі түрде пара алды деген күдікке ілінді

Маңғыстау облыстық сыбайлас жемқорлыққа қарсы іс-қимыл қызметі бірнеше мәрте пара алғаны үшін Маңғыстау облысы халықты жұмыспен қамту және әлеуметтік қорғау басқармасының шетелдік жұмыс күшін тарту мәселелері жөніндегі бөлім басшысына қатысты сотқа дейінгі тергеу амалдарын бастады, деп хабарлайды ҚазАқпарат. 

Ол облыс аумағында еңбектеніп жүрген шетелдік азаматтарға еш кедергісіз виза беру және оның мерзімін ұзарту үшін шетелдік компания өкілдерінен жүйелі түрде 500-ден 1000 АҚШ долларына дейін пара алды деп күдікке ілініп отыр. Сотқа дейінгі тергеу жалғасуда. Күдікті ұсталып, Ақтау қаласы уақытша тергеу изоляторына қамалды. Күдіктіге қатысты соңғы шешімді сот шығарады

Дереккөз:  Inform.kz