Жайыққа құрылыс қоқысын төкті

Атырау тұрғыны Болат Нсанбаев Фейсбукте бейнежазба жариялап, оған: «Құрылыс қоқыстарын Жайыққа төгіп жатыр, бұл «Шағалаға» қарама-қарсы Әлиев көпірінің жанында жүріп жатқан құрылыс. Өз-өзімізді құртып жатырмыз...» деп жазыпты. Бұл көрініске шынымен де жаның ашиды: экскаватор Жайыққа көп мөлшерде сусымалы массаны тастап жатыр.

«АЖ» осыған қатысты Жайық-Каспий су ресурстарын пайдалануды реттеу және қорғау инспекциясының басшысы Ғалидолла ӘЗИДУЛЛИНМЕН хабарласқан еді.

- Анықтайтын боламыз, - деді Әзидуллин. – Тәртіпті білесіздер ғой, Кәсіпкерлік кодексіне сәйкес, тексеру үшін прокуратураға жүгіну керек. Бірақ бұл мәселені қолға аламыз.

- Осы заң бұзушылық Әкімшілік кодекстің қай бабына сәйкес келеді?

- Әзірге мұны айтуға ертерек, алдымен тексеруді бастау керек.

Мұрат СҰЛТАНҒАЛИЕВ