Индер трассасында полицейдің «фольксваген» көлігі мен «тойота» соғысты

Бүгін, 18 қыркүйекте сағат 10:36-да Атырау-Индер трассасында жол-патруль қызметінің арнайы көлігі мен Toyota Hilux соқтығысты.

- Toyota Hilux көлігінің жүргізушісі қарсы жолаққа шығып кетіп, Volkswagen Polo маркасындағы полицияның патрульдік қызметінің қызметтік көлігімен соқтығысқан, - деп хабарлады Атырау облысы Полиция департаментінің баспасөз қызметі.

Нәтижесінде полиция лейтенанты мен кіші лейтенанты, сондай-ақ Toyota Hilux жүргізушісі жарақат алып, облыстық ауруханаға жатқызылды. ҚР ҚК-нің 345-бабы (Көлік құралдарын басқаратын адамдардың жол қозғалысы ережелерін бұзуы) бойынша сотқа дейінгі тергеу жұмыстары басталды. Оқиға орнында Полиция департаментінің жедел-тергеу тобы жұмыс істеуде.

Фархат ӘБІЛОВ

Куәгерлер жолдаған суреттер