Испанияда су тасқынынан қаза тапқандардың саны артты

Испанияның оңтүстік-шығысындағы су тасқынынан қаза тапқандардың саны 6-ға жетті. 3 жарым мыңнан астам адам қауіпсіз жерге көшірілген. 

Табиғат апаты жайлаған аудандарды премьер-министр Педро Санчес аралап шығып, қаза тапқандардың отбасыларына қайғырып көңіл айтты. Жапа шеккендерге мемлекет тарапынан жан-жақты көмек көрсетілетінін жеткізді. 

Еске сала кетейік, Испанияның оңтүстік-шығысында бірнеше күн  жаңбыр толассыз жауып, оның соңы су тасқынына ұласты. 2 күннің ішінде бір айлық жауын жауған. Табиғат апатынан әуежайлар жабылып, темір және тасжолдар бүлінген. Қазір тасқын судың беті қайтып, мамандар қалпына келтіру жұмыстарына кіріскен.

Дереккөз: 24.kz