Атырау, 29 наурыз 12:41
 ашықВ Атырау +10
$ 448.15
€ 483.46
₽ 4.86

Ирак лагерьлерінде 78 қырғыз баласы қалып қойған

2 129 просмотра


Ирактың қақтығыс аймағындағы лагерьлерінде 78 қырғыз баласы қалып қойған, олардың аналары түрмеде отыр.

Бұл ақпаратты Азаттықтың Қырғыз қызметіне Қырғызстанның премьер-министрінің орынбасары Жениш Разаков хабарлады. Дегенмен вице-премьер балалардың әкелері туралы дерек айтпаған.

Оның айтуынша, қазіргі кезде қырғыз үкіметі бұл балаларды тарихи отанына жеткізіп, медициналық-психологиялық көмек көрсетуді жоспарлап отыр.

"Біз бұл балалардың әрқайсысының туыстарын тауып, оларды елге әкелгеннен кейін асырап, тәрбиелейтіні жайлы келісімін алдық. Екінші мәселе - әрбір бала үшін Иракқа 400 доллар көлемінде айыппұл төленуі тиіс. Бұл қаражат премьер-министрдің жеке резерв қорынан алынды" деді ол.

Жениш Разаковтың айтуынша, Иракқа 17 мемлекет қызметкерінен құралған жұмыс тобы барады. Қырғыз балаларын Ирактан елге ұшақ арқылы жеткізу шығынын халықаралық ұйымдар көтереді.

Ирак балаларды қайтару процесін 2019 жылдың қазан айынан бастауды ұсынған.

Қырғызстанның мемлекеттік ұлттық қауіпсіздік комитетінің дерегінше, қазірге дейін Таяу Шығыс елдеріндегі қақтығыс аймағына шамамен 800 қырғыз азаматы кеткен. Олардың 200-ден астамы сол жақта қаза тапқан. "Ислам мемлекеті" террористік тобына қосылғандардың шамамен 140-ы - әйелдер.

Дереккөз: Азаттық радиосы


15 қыркүйек 2019, 10:18

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.