В Атырау -1 
Атырау қалалық мамандандырылған әкімшілік сотында қала маңындағы Жұлдыз ықшам ауданындағы жеке балабақша тәрбиешісіне қатысты іс қаралды. Ол кішкентай бүлдіршіннің бірін ұрып-соқты деп айыпталған еді. Сот-медициналық сараптама сәбидің жеңіл дене жарақатын алғанын және емделуге тура келгенін анықтады.
- Тәрбиешінің кінәсі бейнебақылау жазбаларымен дәлелденді. Ол ҚР Әкімшілік құқық бұзушылық туралы кодексінің 73-1-бабы бойынша (Денсаулыққа қасақана жеңіл зиян келтіру) кінәлі деп танылып, оған 26 693 теңге көлемінде айыппұл салынды, - деп хабарлайды әкімшілік соттың баспасөз қызметінде.
Фархат ӘБІЛОВ
12 қыркүйек 2019, 11:14