В Атырау
-3 
Ақтөбеде лаңкестік әрекет жасауға оқталған үш жігітке қатысты сот үкімі шықты. Өңірдегі ішкі істер департаменті ғимаратының күлін көкке ұшырмақ болды деп айыпталған олар 6 жылдан 10 жылға дейін бас бостандықтарынан айырылды.
Үш адамнан құралған топқа жетекшілік еткен Аббасов, полиция қызметкерлеріне қарсы жихад жариялау туралы үгіт-насихат жүргізген. Тіпті экстремистік сайттардың көмегімен жанкешті болуға да әзірленіпті. Жарылғыш заттарды дайындауға екі сыбайласы қаржылай көмек көрсеткен. Олар биліктің назарын өздеріне аудартып, тіпті Ақтөбедегі ішкі істер департаменті ғимаратындағы көк байрақтың орнына, жихад туын ілуді мақсат еткен.Абырой болғанда олар арам ойларын жүзеге асыруға үлгермей ұсталды. Тергеу барысында белгілі болғандай, бұл үшеуі былтыр Ақтөбе іргесіндегі саяжайда көзі жойылған экстремистік топ мүшесі үшін кек қайтаруға бел буған екен.
Дереккөз: КТК