Сарыөзектің арнасы кеңейеді

1 729 рет қаралды
Қиғаш өзенінің тармағындағы тереңдету жұмыстары, «АЖ» мұрағатынан алынған сурет


31 тамызда Сарыөзекте тереңдету жұмыстары басталды, - деп хабарлады Атырау қаласы әкімінің орынбасары Шәкір КЕЙКИН. Жайық өзенінің бұл тармағы Махамбет ауданынан бастап 56 шақырым ұзындықта түбі тереңдетіліп, жағалауы нығайтылады, шлюздер мен көпір өткелдері салынады. Мердігері - «Нуркапстройгаз» ЖШС.

Ал осы жерде орналасқан шаруа қожалықтары мен бау-бақша серіктестіктерінің бір бөлігі тікелей жағалау белдеуіне шығатыны анықталып, балшық сорғыш кемелер жұмыстарын бастап кете алмай тұр.

Тамыздың ортасында қала әкімшілігі өзінің atyrau.gov.kz сайты арқылы жер пайдаланушылардан заңсыз басып алынған аумақты босатуды сұраған еді. Аумақты өз бетімен заңсыз басып алу үшін ірі айыппұл қарастырылған, бірақ әзірге билік қарапайым ескерту жасап отыр.

Мұрат СҰЛТАНҒАЛИЕВ

11 қыркүйек 2019, 16:40

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.