В Атырау -4 
Әлеуметтік желілерде 28 тамыз күні таңғы сағат 4-те Атырау қалалық полиция басқармасының ғимаратында орналасқан Жедел басқару орталығында түсірілген бейнежазба таралуда: «102» пультінің операторлары екі қатарлы темір кереуетте ұйықтап жатыр, ал олардың қызметтік формалары орындыққа ілінген. Қалалық бақылау камераларының жазбалары жинақталатын мониторларда тек екі қызметкер отыр.
Кадр сыртындағы дауысқа жүгінсек, роликті жедел-алдын алу шарасы барысында Атырау облыстық ПД ішкі қауіпсіздік басқармасының қызметкерлері түсірген.
- Қазір қызметтік тексеру жұмыстары басталды, оның нәтижелері бойынша «102» операторларының әрекетіне құқықтық баға берілетін болады, - деп хабарлады Полиция департаментінің баспасөз қызметі.
Естеріңізге салсақ, жақында Атырауға келген шымкенттік блогер «102»-ге қоңырау шалып, ешкім телефон тұтқасын көтермеген болатын. Қызметтік тексеру осыған орай да жүргізілуде.
Фархат ӘБІЛОВ
Әлеуметтік желілерден алынған бейнежазба