Ингушетия басшысы лаңкестерге өзінің телефон нөмірін берді

Ингушетия басшысы Юнус-бек Евкуров «Живой журнал» бетінде өзінің телефон нөмірін жариялап, теріс жолға түскенін түсініп, қылмыс әлемінен шыққысы келетін лаңкестерге хабарласуына болатынын айттты. Енді қаруын тастап, бейтін өмірге оралғысы келетіндер 8 (928) 093-29-29 нөмірі бойынша аймақ басшысына хабарласа алады, деп жазады РБК.

Ю.Б.Евкуров қаруын тастап, бұл жолдан бас тартқандарға билік тарапынан көмек көрсетілетініне уәде етті. «Сіздер қазір қаруды тастап, үйлеріңізге орала аласыздар, бейімделуге жол ашып, заңмен қарастырылған жауапкершіліктің ең жеңіл түрі қолданылатынына уәде беремін», депті шенеунік.

Сенім телефоны ағымдағы жылдың 22 қазанынан бастап жұмыс істейтін болады.

Дереккөз: bnews.kz