Мақатта жанармай жоқ

Мұнайлы мекен Мақатта жанармай құю бекеттері үш айдан бері жұмыс істемей тұр. Жергілікті жұрт көліктеріне бензинді көршілес Доссор кентінен толтыруға мәжбүр. Ал көрші жақын емес - ауылдан 30 шақырымнан аса жерде.  

- «ҚазМұнайГаз» бекетіндегі резервуар тесіліп, жұмысты уақытша тоқтатқан. Қазір жөндеу жұмыстары жүріп жатыр,- дейді Мақат ауданы әкімінің орынбасары Тілек НҰРПЕЙІСОВ. - Әрине, қиын жағдай. Кентте қаншама мекемелер бар, бәрі Доссорға шұбырып жүргені. Ондағы «Гелиос», «ҚазМұнайГаз» бекеттері үздіксіз жұмыс жасап тұр. Мәселені тездетіп шешуге күш саламыз.

Ләззат ҚАРАЖАНОВА