«ҚТЖ» мен «АрселлорМиттал Теміртауға» қатысты тексеру жүргізілуде

Бәсекелестікке қатысты еліміздің бірқатар алпауыт компанияларына 66 тергеу шаралары жүріп жатыр. Бұл жөнінде Астанада өткен Үкімет сағаты барысында ҚР Бәсекелестікті қорғау агенттігінің төрағасы Ғабидолла Әбдірахымов мәлім етті.
Мәселен, агенттік төрағасының айтуынша, «Қазақмыс» корпорациясына қатысты электр энергиясы бойынша шарт жасаудан бас тарту фактісінде тергеу аяқталған. Бұл ретте компанияға 1,4 млрд. теңге айыппұл салынған. Дегенмен аталған факті бойынша сот үрдістері жалғасуда.
«Қазір біз «Қазақстан теміржолы», «Арселор Миттал-Теміртау», «Еуразиялық энергетика корпорациясы», «Екібастұз ГРЭС», «Эйр Астана» секілді бірқатар компаниялар мен субъектілер бойынша 66 тергеуді жүргізіп жатырмыз», - деді Ғ. Әбдірахимов.

Дереккөз: kz.government.kz