СМП-136-да газ жоқ

Бізге қалалық әкімдіктің апат қызметінің диспетчері хабарлағандай, СМП-136 ауданындағы газ құбыры учаскелерінің бірінде ірі апат орын алған:

- Қазір СМП-136-дан Ақ депоға дейінгі учаскеде газ жоқ. Сол маңда электр тірек қосыны бар болғандықтан, апат салдары жойылғанша жарық та болмайды. Қалалық әкімдіктегі кезекшінің айтуынша, апат үш сағат ішінде жойылуы тиіс.

Алайда, апатты газ қызметінің кезекші операторы апат болған жерге бригаданың әлі бармағанын, бір күннің ішінде кемшіліктерді жою жұмыстарын жасайтындықтарын айтты. Кейін анықталғандай, апат кеше күндіз орын алған. 

Сәуле ТАСБОЛАТОВА