Атырау, 22 тамыз 12:02
Күндіз ашық+38, кешке +31
ҚР Ұлттық банкінің валюта бағамы: $ 386.05  € 428.25  P 5.84

Араб Әмірліктерінің мұнай кемесі Ормуз бұғазында жоғалып кетті

17 шілде 10:13


Ормуз бұғазынан өтіп бара жатқан Біріккен Араб Әмірліктерінің (БАӘ) мұнай танкері екі күн бұрын өзінің координаттары туралы ақпарат жіберуді тоқтатты. Соңғы дерек бойынша, кеме Иранға қарай өтіп кеткен. Бұл туралы Associated Press хабарлады.

Танкер Араб Әмірліктерінің батыс жағалауынан шығысына қарай Ормуз бұғазы арқылы қатынап жүрген. Агенттік сілтеме жасаған дереккөздің сөзінше, соңғы үш айда бұл кеме өзінің қайда жүргені туралы хабар беретін құрылғыны өшірген емес.

Тегеран мен Абу-Даби оқиғаға қатысты әзірге комментарий берген жоқ. Таяу Шығыс суларын бақылайтын АҚШ теңіз күштері пікір беруден бас тартты.

11 мамырда Араб Әмірліктеріне тиесілі суларда жүзген кем дегенде төрт кемеге шабуыл жасалған. Адам не мұнай шығыны туралы ақпарат жоқ. Оқиғалардың жай-жапсары да ашық айтылмайды.

4 шілдеде Ұлыбританияның теңіз барлауы Гибралтарда халықаралық санкция барына қарамастан Сирияға бара жатқан ирандық Grace-1 кемесін ұстаған. Тегеран жауап ретінде шара қабылдауға уәде еткен.

9 шілдеде Иран кемелері британ мұнай кемелерін басып алмақ болған. Тегеран Ұлыбританияның бұл мәлімдемесін жоққа шығарды.

Мамыр-маусым айларында АҚШ "Оман мен Парсы шығанағындағы кемелерге шабуыл жасады" деп Тегеранды айыптаған. Иран бұл айыптарды жоққа шығарады.

Дереккөз: azattyq.org 


Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

242 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4