Атырау, 20 шілде 22:55
Таңертең ашық+32, күндіз +33
ҚР Ұлттық банкінің валюта бағамы: $ 384.39  € 431.71  P 6.11

АҚШ соты Трампқа Twitter-дегі оппоненттерін бұғаттауға тыйым салды

10 шілде 14:38


Нью-Йорктің апелляциялық соты АҚШ президенті Дональд Трампқа Twitter-дегі жеке парақшасына қолданушылардың қолжетімдігін шектеуге тыйым салды. Нью-Йорк округтік соты бірінші инстанцияда осыған ұқсас шешім шығарған еді.

Қаулы АҚШ конституциясындағы азаматтардың сөз бостандығы жайлы пунктеріне сүйене отырып қабылданған. Құжатта «лауазымды тұлғаның өзіне ұнамайтын пікір айтқан адаммен диалогты үзуіне тыйым салынған» деді судья Бэррингтон Паркер.

Бұған дейін АҚШ әділет министрлігі бұл мәселеге байланысты Нью-Йорк округтік сотының шығарған шешімін сынаған еді. Министрліктің пікірінше, Трамп жеке парақшасында түрлі мәселелерге байланысты тек өз пікірін жариялап отырады және оны мемлекеттік қызметкермен қоғамдық диалог орнататын орын деп атауға келмейді.

Алайда апелляциялық сот Трамптың Twitter-дегі аккаунтында АҚШ президентінің саясатына қатысты мәлімдемелер жасайтын «ресми есеп я тіркеу жазбасының» нышандары барын айтып, әділет министрлігінің уәжін кері қайтарған.

Дональд Трампқа қарсы шағымды сотқа жеті Twitter қолданушысы түсірген. Олар президент парақшасында «жағымсыз пікір» қалдырғаннан кейін өздерінің парақшаға кіре алмай қалғандарын, Трамптың оларды бұғаттағанын айтқан.

Дональд Трамптың Twitter-дегі жеке парақшасына 62 миллионға жуық қолданушы жазылған. АҚШ президентінің мұнда ресми аккаунты да бар, бірақ Трамп оны сирек қолданады және ондағы оқырмандар саны жеке парақшасымен салыстырғанда әлдеқайда аз.

Дереккөз: Азаттық радиосы

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

232 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4

Последние новости