АМӨЗ бензин өндіруді уақытша тоқтатты

6-25 қазан аралығында АМӨЗ-де бензин өндіру және жөнелту жұмыстары тоқтатылды. Бұл туралы зауыттың бас инженерінің бірінші орынбасары Рүстем БИСАЛИЕВ хабарлады.

Бұған 6 қазан күні ЛГ 35-11/300-95 қондырғысының каталитикалық риформинг блогының пешінде орын алған апат себеп болған.

Қондырғы тоқтатылып, жөндеу жұмыстары жүріп жатыр.

Р. Бисалиевтің айтуынша, бұл күрделі жөндеу екен, өйткені пеш көп камералы – жарамсыз болған учаскені жөндеу үшін, пешті бұзуға тура келеді.

АМӨЗ Атырау облысында сатылатын бензиннің жартысына жуығын өндіреді. Бұдан басқа, зауыт АИ-80 маркалы жергілікті бензин нарығының бірден-бір жеткізушісі боп табылады.

Мұрат СҰЛТАНҒАЛИЕВ