Жұмыспен қамту басқармасының бастығы орнын босатты. «Атырау Ақпарат» төрағасы «жастар ісіне» ауысты

Биылғы жылдың ақпан айында тағайындалған Атырау облыстық жұмыспен қамту және әлеуметтік бағдарламалар басқармасының бастығы Қазыбек ӘЛІШЕВ «өз еркімен» жұмыстан кетуге арыз жазды. Оның орынбасары Серік САПАНОВ оның міндетін уақытша атқарады.

Бүгін, 1 қазанда «Атырау Ақпарат» КМК-ның бұрынғы төрағасы Мейірім ҚАЛАУИ облыстық әкімдік құрамындағы жаңа құрылым - жастар ісі жөніндегі басқарманың бастығы боп тағайындалды. Ол жұмыс істегенге дейін баспаханасымен бірге ғимараты заңсыз әрі арзан сомаға жекешелендірілген «Атырау Ақпарат» КМК директорының лауазымы әзірге бос тұр.

Лаура СҮЛЕЙМЕНОВА