Атырау, 16 маусым 09:37
Күндіз ашық+31, кешке +26
ҚР Ұлттық банкінің валюта бағамы: $ 384.51  € 434.00  P 5.95

Сыртқы істер министрлігі сыртқы экономикалық жұмысты күшейтуге тиіс

28 қыркүйек 2012 17:04
Қазақстан президенті Нұрсұлтан Назарбаев республиканың сыртқы істер министрлігіне сыртқы саяси қызметті күшейтуді тапсырды, деп хабарлайды жұмада мемлекет басшысының баспасөз қызметі.

Жұма күні сыртқы саяси ведомствоның жаңа басшысы тағайындалған.  Ол қызметке Қазақстанның АҚШ-тағы бұрынғы елшісі Ерлан Ыдырысоы тағайындалды. Мемлекет басшысы  министрліктің ұжымына жаңа жетекшіні таныстырды.

Қазақстан Президенті кездесуді ашқаннан кейін бүгінде Сыртқы істер министрлігінің алдында жаңа уақыттың талабына сәйкес жаңа міндеттер тұрғанын атап өтті.
- Мен Ержан Қазыхановтың Қазақстанның Ислам Конференциясы Ұйымына төрағалығы аясында атқарған қызметі үшін оған алғысымды білдіремін. Мұсылман елдерінде қалыптасқан жағдайдың қиындығына қарамастан, біз бұл миссияны жақсы атқардық деп есептеймін. Ерлан Ыдырысов Сыртқы істер министрлігінің басшылығында бұрын жұмыс істеді, сондай-ақ көп жыл Лондонда және Вашингтонда елші болды, осы уақытта мол тәжірибе жинады. Енді сол тәжірибесін халық пен елдің игілігі үшін пайдалану қажет, - деді Нұрсұлтан Назарбаев.

Мемлекет басшысы сондай-ақ сыртқы экономикалық мәселелерді шешуге ерекше назар аудару қажеттігіне тоқталды.

- Сыртқы істер министрлігінде сыртқы экономикалық мәселелер бойынша жұмыс саласы күшейтілуі қажет. Біз индустриялық-инновациялық даму жөніндегі бағдарламаны іске асырудамыз. Біздің қазіргі міндетіміз – жаңа технологиялар тарту. Өте прагматикалық жұмыс жүргізудің маңызы зор. Атап айтқанда, нақты экономикалық байланысымыз, мүддеміз бар елдердегі елшіліктердің жұмысын күшейту керек. Шетелдегі жобаларға инвестиция салуға мүмкіндігіміз бар кезеңге келдік. Қажет болған жағдайда, біз жоғары технологиялы компанияларға акционер бола аламыз, - деді Қазақстан Президенті.

Сонымен қатар, Нұрсұлтан Назарбаев СІМ соңғы онжылдық ішінде барлық бағыт бойынша табысты жұмыстар жүргізгенін атап көрсетті.

- ЕҚЫҰ  Саммитінің өткізілуін басты іс-шара ретінде атауға болады, біздің ондағы төрағалығымыз әлемде үлкен резонансқа ие болды. Сондай-ақ, Қазақстанның Ислам ынтымақтастық ұйымына, Шанхай ынтымақтастық ұйымына, АӨСШК-ге төрағалық етуін атап өтуге болады. Кеден одағындағы, Бірыңғай экономикалық кеңістіктегі экономикалық бөлімдегі біздің қызметімізді атап көрсету керек, бұл - таяу жылдардағы жұмысымыздың ең басым бағыттарының бірі. Бұл – қазіргі кезде сіздердің алдарыңызда тұрған негізгі міндеттер, - деді Мемлекет басшысы.

newskaz.kz

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1306 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4