Ешқайда шықпа, үйде отыр!

№2 Атырау қалалық  соты «Мемсараптама» РМК филиалының директоры Тұрланбек ЖИЕНБАЕВТЫ,«Арқайым-2005» ЖШС директоры Александр КУЗЕМАНЫ және «СтройКонтрактГрупп» ЖШС директоры Азамат ҚҰРМАНТАЕВТЫ үйқамаққа алу туралы санкциялар берді.

Облыстық соттың баспасөз қызметінің жетекшісі Боранбай ҒАЛИЕВТЫҢ айтуынша, екі ай мерзімге үйқамаққа алыну санкциясы 23 қыркүйекте берілген. Үшеуіне мектеп, аурухана және балабақшалар салуға бөлінген 177 млн теңге бюджет қаржысын иемденді деп айып тағылып отыр (ҚР ҚК 176-бабының 3-тармағы – «Сенiп тапсырылған бөтен мүлiктi иеленiп алу немесе ысырап ету»).

Сәуле ТАСБОЛАТОВА