Атыраудағы жарылыс: төрт күдікті қамауға алынды

Кеше, 9 қыркүйекте №2 қалалық сот ҚР Қылмыстық кодексінің 24-бабында (1-тармағы) және 233-бабында (2-бөлігі, «б» тармағы) қарастырылған қылмыстарды жасады деп күдіктелген есімдері аталмаған Атырау қаласының екі тұрғынын, сондай-ақ, Жылыой ауданының тұрғыны мен Маңғыстау облысының тұрғынын екі айға қамауға алуға шешім шығарды.

Күдіктілерге  қылмысқа дайындалу және қылмыс жасауға оқталу (24-бап), сондай-ақ, терроризмге (233-бап) қатысты айыптар тағылып отыр. Олардың 5 қыркүйекте Атырау қаласының жеке секторында қолдан жасалған бомбаны жаруға қатыстары бар-жоғы тексерілуде.

Дәл сол күні төрт күдікті қамауға алынды. Тергеу ісін Атырау облыстық ҰҚКД жүргізуде.

Сәуле ТАСБОЛАТОВА