В Атырау
+4 
Атырауда Жайық өзеніндегі балықтың жаппай қырылу фактісі бойынша өткен жылдың желтоқсанында қозғалған қылмыстық істі тергеу жалғасуда. Іс ҚР ҚК-тің 328-бабы (Суларды ластау, қоқыстау немесе сарқу) бойынша жүріп жатыр.
- Бүгінде Атырауда ішкі істер министрлігінің арнайы тергеу тобы жұмыс істеп жатыр,- деп хабарлады Атырау облысының Полиция департаментінің бастығы Аян ДҮЙСЕМБАЕВ. - Жақында Алматыдан мамандар келіп, биологиялық материалды алды.
Облыстың бас полицейі ҚР Қылмыстық-атқару кодексінің 201-бабына сүйеніп, нақты деректер бермеді.
Фархат ӘБІЛОВ
10 ақпан 2019, 13:09