Шымкентте ВИЧ-ке шалдыққан балалар сүндетке отырғызылды

Шымкентте ВИЧ-ке шалдыққан алты бала сүндетке отырғызылды. Оны облыстық балалар ауруханасының хирургтері жасады. Балалардың жағдайы қанағаттанарлық дәрежеде.

1tv.kz тілшісі хабарлағандай, балаларға ота тегін жасалды. Сондай-ақ балалар Оңтүстік Қазақстан Денсаулық сақтау департаменті тарапынан сыйлықтарға ие болды. 2008 жылдан бері ВИЧ-ке шалдыққан 57 бала сүндетке отырғызылған. Бүгінгі күні «Ана мен бала» мемлекеттік оңалту орталығының диспансерлік есебінде ВИЧ-ке шалдыққан 209 бала тұр.

Биыл сүндеттелуден басқа, ВИЧ-ке шалдыққан балалар «Бургулюк» және «Сарыағаш» санаторийлерінде тегін емделу мүмкіндігіне ие болды. 280 жолдама бөлінді.

Еске сала кетейік, бірнеше жыл бұрын Оңтүстік Қазақстанда 126 бала ауруханаішілік жағдайда ВИЧ-вирусын жұқтырған болатын.

Дереккөз: 1tv.kz