В Атырау +22.1 
АСТАНА. 24 тамыз. ҚазАқпарат - Оқушылардың ҰБТ-ның шекті деңгейінен өте алмауына біліктілік деңгейі төмен мұғалімдер де жауап береді.
Бүгін Астанадағы «Білім беру жүйесін жаңғырту - адами капиталдың сапалы өсуінің басты бағыты» республикалық педагогикалық тамыз конференциясында Білім және ғылым министрі Бақытжан Жұмағұлов осылай айтты.
«Келесі мәселе - мұғалімдердің біліктілік және кәсіби міндеттерді орындау деңгейінің төмендігі. Заңнамаға сәйкес мұғалімдер Мемлекеттік білім беру стандарты талаптары бойынша білім беру қызметінің сапасын қамтамасыз етуге міндетті. Сондықтан оқушылардың ҰБТ-ның шекті деңгейінен өте алмауына біліктілік деңгейі төмен мұғалімдер де жауап береді. Бұл - мектеп әкімшілігі, аудандық, қалалық білім бөлімдері, облыстық білім басқармалары жұмысының әлсіздігін көрсетеді»,-деді министр.
Осыған байланысты Б. Жұмағұлов мектепке дейінгі және орта білім департаменті облыстық білім басқармаларымен бірлесіп,
әрбір аймақтағы ҰБТ қорытындыларын жан-жақты талқылауды, тиісті шаралар қабылдауды, білім сапасын жақсарту бойынша іс-шаралар жоспарын әзірлеп, қабылдауды жүктеді.
Дереккөз: ҚазАқпарат