Заңсыз жолаушы тасушыларға айыппұл салынды

Атырауда қалалық мемлекеттік кірістер басқармасының қызметкерлері жол полицейлерімен бірлесіп, салық органдарына тіркелмей жұмыс істеп жүрген таксишілерді анықтау бойынша рейд жүргізді. Үш күн ішінде 50-ден астам заңсыз жұмыс істеп жүрген таксишілер анықталды.

- Оларға қатысты ҚР ӘҚтК 463-бабы (Тиiстi тiркеусiз кәсіпкерлік қызметпен айналысу) бойынша әкімшілік құқықбұзушылық туралы хаттамалар толтырылды. Бұдан басқа, олардың 20-сына ӘҚтК-тің 571-бабы (Жолаушыларды, багажды және жүктерді тасымалдау қағидаларын бұзу) бойынша хаттама рәсімделді, - деп хабарлады Атырау қалалық МКБ тіркелмеген салық төлеушілерді анықтау бөліміндегілер. Заңсыз жүрген таксишілерге 36,075 теңге айыппұл салынады.

Фархат ӘБІЛОВ

Суретті түсірген автор