Жауынгер бейнежазбасы

«Дедовщинаны» толығымен құрықтау үшін бейнекамералар да тартылды, енді олар Атырау облысының әскери бөлімшелерінің казармалары мен дәліздерінде, жуынатын бөлмелерде және қоймаларға орнатылуда.

Батыс аймақтық әскери прокурор Талғат БЕКБЕРГЕНОВТІҢ мәлімдеуінше, бүгінгі күні бақылау камералары ішкі әскер батальондары мен қорғаныс министрлігінің екі бөлімшесіне орнатылған екен. Биылғы жылы тағы да екі әскери бөлімшені қамту жоспарланған.

- Бастысы – қауіпсіздік. Енді жауынгер әлдекімге жұдырығын ала ұмтылмас бұрын ойланатын болады. Оның үстіне жазбалар мұрағатын қарауға тек шектеулі ғана тұлғаларға мүмкіндік беріледі, – дейді Т. Бекбергенов.

Бұдан басқа, таяуда әрбір бөлімшеде әскери қызметкерлердің шағымдары мен өтініштері үшін жәшіктер орнатылды.

Анастасия ПАСТУХОВА