Саясаттанушы: Қазақстанда үкімет ауысуы мүмкін

Қазақстанда үкімет ауысып, аймақтық әкімдіктерде ауқымды өзгерістер болуы мүмкін. Мұндай болжамды саясаттанушы Талғат Қалиев жасады деп хабарлайды NUR.KZ.

Kaliyev channel атты авторлық Телеграм-арнасында ол "1 қыркүйекке жоспарланған палата отырысы жаңа кадрлық ауыс-түйістер болады деген болжамның туындауына себеп болғанын" сөз етті. Саясаттанушының сөзіне сенсек, тұрғындар арасында үкімет қайта ауысады деген сыбыс тараған.

«Орынсыз емес. Себебі, өзгерістер расымен болатындай күйге жетті. Нұрсұлтан Назарбаевтың кадрлық ауыс-түйіс жасау ниетін жанама түрде растайтын бірден бір әрекет, ол Атырауда полицейлерді сынға алу мен полицияда грузиялық модельге сәйкес реформа жүргізуді сөз ету.

Ол Атырау ІІД басшысының казинодағы видоесы туралы біліп жүргені анық. Азаматтардың қандай көңіл-күйде жүргенінен де хабардар. Ол бар мәселені өз қолына алып, керемет саяси форманы көрсетуде.

Яғни, қоғамдық резонанс басылғаннан кейін билік әлеуетті құрылымдарды реформалауға кіріседі", - дейді Қалиев.

Саясаттанушы аймақтарға жасалған іссапарлар "әкімдік секторда да айтарлықтай ауыс-түйіс болатынын аңдатады" деген пікірде. Бір сөзбен айтқанда, "министрлер кабинеті барынша ауысатын болады".

"Алайда бұл дәл бірінші қыркүйек күні бола қоймайтыны анық. Бұл отырыс жопарлы түрде өтеді және парламенттің кезекті сессиясына арналған", - дейді ол.

Дереккөз: nur.kz