Атырау, 29 наурыз 17:03
 ашықВ Атырау +4
$ 448.15
€ 483.46
₽ 4.86

Әкесін өлтірген қыздардың бірінің хаты жарияланды

1 635 просмотра


Апалы-сіңлілер туған әкесінің қорлығына шыдай алмай, пышақтап тастаған. Мәскеуде әкесін өлтірген апалы-сіңлілі үш қыздың кішісі әлеуметтік желілердегі қолдау топтары арқылы демеу болған жас жігітке алғысын білдірді.  

Жауыз әкесін өлтірді деген күдікпен № 6 тергеу абақтысында отырған 17 жастағы қыз досына хат жазды, деп хабарлады Life.ru.

Жас жігіт қыздардың "ВКонтактедегі" қолдау тобында оларға сөзбен қолдау білдіріп қана қоймай, іспен көмектесіп жүр. Атап айтқанда, Mash телеграм-каналы хабарлағандай, таяуда ол апалы-сіңлілерге тәттілер, киім-кешек салып жіберді. Қыздарды тергеу абақтысында үй киімімен алып кеткендіктен, оларға, әсіресе, киім-кешек қатты қажет болған.    

"Бізге сенетін адамдардың болғаны қаншалық көңілге демеу болатынын елестете алмайсың. <…> Біз де теледидар көреміз, жаңалық тыңдаймыз, шын мәніндегі онда айтылып жатқанның көбісі жалған. Еңсемді түсірмеуге тырысып жатырмын, ең қиыны, әпкелеріммен көріспейміз", — деп жазған  17 жастағы қыз.

Естеріңзге сала кетейік, 27 шілде күні үш апалы-сіңлілі 57 жастағы әкесін өлтірген болатын. Олар оған 30-дан астам пышақ жарақатын салған, содан кейін болған жайтты полицияға хабарлаған. Қыздар зұлымдық пен қорлыққа одан әрі шыдай алмағандықтан осындай қадамға барғанын айтты. Қазір олар тергеу абақтысында отыр.

Таяуда қыздардың анасы – 39 жастағы Аурелия Дундук сұхбат беріп, әкесі туған қыздарын зорлап келгенін мәлімдеді. 

"Олар: "Анашым, бұл сұмдық, әрі қарай білмей-ақ қойғаның жақсы" дейтін. Олар маған нақты ештеңе айтқысы келмеді. Әкесі туған қыздарын зорлап жүргенін білген жоқпын, туған әкесі бұлай жасайтыны ойыма кіріп-шықпады", — деді ол студияда.

Дереккөз: sputniknews.kz

18 тамыз 2018, 10:48

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.