Атырауда үйлерді терможаңғырту қажет пе еді?

Атырау қалалық әкімдігі тұрғын үйлерге энергетикалық аудит жүргізу үшін 26,5 млн теңге бөлді. Энергетикалық аудит - жылу, су құбыры, басқа жүйелер мен электр қондырғыларын зерттеу негізінде жасалатын талдау. Мақсат: жылу шығындарын тауып, қалалық билікке тұрғын үйдің ең тиімді энергетикалық жұмыс режимін ұсыну.

2015-2017 жылдары термомодернизациядан өтпеген 91 және жөндеуден өткен 32 үй тексеріледі (тізімді қараңыз). Суреттер анық болу үшін жылу өлшегішпен (зерттелетін бетте температураның таралуын бақылауға арналған құрылғылар) салқын ауа райында тексеретін болады. Тексеру 31 желтоқсанға дейін аяқталуы тиіс. Жобаға тапсырыс беруші - қалалық тұрғын үй-коммуналдық шаруашылық бөлімі.

- Осылайша, жүргізілген терможаңғырту жұмыстарына баға беріліп, осы 91 үйге оны жүргізу қажет пе деген сауалға жауап алынады, - деді терможаңғырту бағдарламасының операторы «Атырау қ. тұрғын үйлерге коммуналдық қызмет көрсету» ЖШС директоры Зұлхаш НАУБЕКОВ.

Мұрат СҰЛТАНҒАЛИЕВ