В Атырау
-1 
Алматы облысы Таусамалы кентінде жарылған үйдің гаражынан атыс қаруы және оның оқ-дәрілері, полицей киім-кешегі мен діни әдебиет табылды. Бұл туралы ҚР Бас прокуратурасының баспасөз қызметі хабарлады.
Мәліметке сәйкес, 2012 жылдың 11 шілдесінде Алматы облысы, Қарасай ауданы, Таусамалы кенті, Сейфуллин көшесі, 98-үй мекен-жайында өрт болды, өрттің алаңы 100 шаршы метрді құрады.
Өрт орнында сегіз адамның, оның ішінде төрт баланың өртенген мүрделері табылды.
Жедел-тергеу тобы оқиға болған жерді қарауды кеше бастап, бүгін жалғастырды, оның барысында үйдің гаражынан атыс қаруы және оған оқ-дәрілер, полицейлік киім-кешек және діни әдебиет табылды.
Бұл факт бойынша Алматы облысының прокуратурасы Қылмыстық кодекстің 24-бабының 1-бөлігімен – 233-бабының 3-бөлігінің «б» тармағымен (терроризмге дайындалу) қылмыстық іс қозғады.
Қазіргі уақытта қажетті сот сараптамалары тағайындалды, тергеу іс-шаралары жүргізілуде, қаза болғандардың жеке бастары анықталуда, сондай-ақ табылған атыс қаруының, оған оқ-дәрілердің, полицейлік киім-кешектің пайда болу көздері тексерілуде.