Атырау, 27 маусым 00:53
Таңертең ашық+29, күндіз +32
ҚР Ұлттық банкінің валюта бағамы: $ 378.65  € 430.07  P 6.00

Алматы маңындағы жарылысқа байланысты «Лаңкестік» оқиғасы бойынша қылмыстық іс қозғалды

12 шілде 2012 23:31

Алматы облысы, Қарасай ауданы, «Тау самалы» ауылында 7 адам қаза тапқан жарылысты зерттеу жұмыстарын ҰҚК мен ІІМ қызметкерлері жүргізуде.

1tv.kz сайтының ҚазТАГ-қа сілтеме жасап хабарлағанындай, Алматы облысы бойынша ТЖД «ақпарат жабық» деген себеппен оқиғаның мән-жайын баяндап бере алмады. Құқық қорғау органдарынан алынған нақтыланбаған деректерге сәйкес, оқиға орнында Калашников автоматын қоса есептегенде өзге де қару-жарақтар табылған. Алайда құқық қорғау ведомстволары баспасөз қызметінен жарылыс сипаты туралы ресми мәлімет алу мүмкін болмады. Соның ішінде жарылыс үйдегі адамдардың «құқық қорғау қызметкерлерінің ұстау әрекетіне қарсы әрекеті болды ма», «әлде жарылғыш құрылғысы өз бетімен іске қосылды ма» деген сауалдарға әзірге жауап қайтарылмады.

Сондай-ақ, облыс прокуратурасы ҚР Қылмыстық кодексінің 24-бабының 1 бөлімінің «Қылмысқа дайындалу және қылмыс жасауға оқталу» мен 233-бабы, 2-бөлімінің «б» тармағы - «Лаңкестік» бойынша қылмыстық іс қозғады.

Естеріңізге сала кетейік, кеше түнде Алматы маңындағы жекеменшік үйде соңы өртке ұласқан жарылыс болды. Толықтай өртеніп кеткен үйден әлі кім екендіктері анықталмаған барлығы 7 мәйіт табылды.

BNews.kz

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1678 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4 5