​Иран СІМ: Ресми Теһран Анкараға қолдау көрсетуге дайын

Иран билігі АҚШ-тың Түркияға қатысты саясатына қарсы ұстанымын білдірді. Бұл туралы «Anadolu ajansı» агенттігі Иран СІМ-нің ресми өкілі Бехрам Касымидің сөзіне сілтеме жасап хабарлайды. 

«Түркия мен түрік халқы АҚШ тарапынан жасалған қысымға қаймықпай қарсы тұруы керек», - деген Иран дипломаты ресми Теһранның (Тегеранның) АҚШ-тың санкцияларына қарсы Анкараны қолдайтынын мәлімдеді. 

Бәрімізге белгілі, президент Режеп Тайып Ердоған Түркияның Трабзон қаласындағы халыққа жасаған үндеуінде АҚШ-тың екіжақты қарым-қатынастағы құқықтық ережелерден аттамауы тиіс екенін айтқан еді.

Дереккөз: “The Qazaq Times”