Солтүстікамерикалық еркін сауда аймағы келісімшартын жаңартуға қатысты келіссөздің форматы өзгеруі мүмкін. Өйткені АҚШ пен Мексика өкілдері бүгін Вашингтонда Канаданың қатысуынсыз келіссөзді қайта бастады.
Ал Канада тарапымен кейінірек кездеспек. Алайда бұл еркін аймақтың бастапқы ұстанымына қайшы. Оның үстіне Мексика мен Канада бұған дейін келіссөздің үшжақты форматта жүруін қолдайтынын жеткізген.
Айта кетейік, Солтүстікамерикалық еркін сауда аймағы келісімшарты 1992 жылы құрылған болатын. Бірақ өткен жылы тамыз айында президент Дональд Трамп құжатты сынап, ол өзгертілмесе, АҚШ-тың ұйымнан шығатынын мәлімдеген соң, тараптар оны қайта қарауға кірісті.
Дереккөз: 24.kz