​Порошенко Ресейге қарсы санкцияларды күшейтуді сұрады

Украина президенті Петр Порошенко Қырым аннекциясы үшін Ресейге қарсы енгізілетін санкцияларды одан сайын қаталдатуды сұрады. Осыдан аз ғана бұрын Еуроодақтың ресейлік алты бірдей компанияға санкция салғаны туралы жазған едік. 

Осы шешімге қатысты өзінің «Twitter» әлеуметтік желісіндегі жеке парақшасында: «Украиналық Қырымның басып алынуы мен аннекция әрекетіне қатысы бар кез келген заңды немесе жеке тұлғаларға, ресейлік агрессорларға қарсы санкцияларды одан әрі күшейту үшін СІМ-не тапсырма берілді», - деп жазған президент П.Порошенко Қырым аннекциясын уақытша құбылыс деп санайтынын да қосып қойды.

Дереккөз: “The Qazaq Times”