В Атырау
-2 
Бүгінде мұнай астанасында 11 мектеп пен 20 балабақшаны жобалау жұмыстары жүріп жатыр, Атырау мен қала маңындағы Ақсай ауылында екі музыка мектебінің құрылысына жобалау-сметалық құжаттама дайындау аяқталды. Бұл туралы брифингте қалалық құрылыс бөлімінің бастығы Тимур БАСАРОВ хабарлады.
«АЖ» сауалдары:
- Қала маңындағы Талғайраң ауылының жанындағы жаңа ірі тұрғын үй массивінің құрылысы қалай жүріп жатыр?
- Ол жерде біртіндеп 5 мөлтек аудан - көп қабатты 471 үй, жалпы алғанда 37 260 пәтер салынады. Әлеуетті құрылыс салушылар қызығушылық танытып отыр, бұл мәселе алға жылжуда.
- Кейбір мамандар ол жердің топырағы мұндай құрылыс үшін қолайлы емес деп есептейді.
- Барлық қажетті сараптамалар жүргізілді – ол жерде бұл тұрғыда барлығы қолайлы.
- Осы айдың басында Исатай мен Махамбет алаңы қалпына келтіру жұмыстары үшін жабылды. Бірақ қазір ол жер тып-тыныш.
- Орталық алаңдағы қалпына келтіру жұмыстарына біздің қатысымыз жоқ.
- Нұрсаядағы киноконцерт залын салу жұмыстары қашан жалғасады? Кезінде бұл объектіні 2017 жылдың соңына дейін салып бітіреді деген еді.
- Бұл облыстық құрылыс басқармасының құзырында, менде толық ақпарат жоқ.
- Атырауда 5 кроссфит аймағын (пауэрлифтинг, гимнастика және т.б. тегін жаттығулар үшін ашық алаңдар – Ф.А.) жабдықтау жоспарлануда. Мұның құны қанша болады?
- Қазіргі уақытта жобалау-сметалық құжаттама дайындалып жатыр. Бір кроссфит аймағы шамамен 150 миллион теңгеге шығады.
Фархат ӘБІЛОВ
Суретті түсірген автор