Оңтүстік Кореяның экс-президенті Пак Кын Хе ұзақ жылға сотталды

1 550 просмотра

Елдің бұрынғы басшысына мемлекет қаражатын ысырап жасап, партия істеріне араласты деген айып тағылған болатын. Оңтүстік Кореяның бұрынғы президенті Пак Кын Хе мемлекет қаражатын ысырап етіп, партия қызметіне араласқаны үшін сегіз жылға сотталды, деп хабарлайды РИА Новости "Ренхап" агенттігіне сілтеме жасап.

Сот үкімі бойынша, бұрынғы президент Ұлттық барлау агенттігінің бюджетінен қаражат иемденгені үшін алты жылға бас бостандығынан айырылған. Сонымен бірге 3,3 миллиард вон (3 миллион доллар) айыппұл төлеуге міндеттелді. Пак Кын Хеге өзі президент болып тұрған кезде билік жүргізген партияның атынан сайлауға үміткерлер тағайындағаны үшін тағы екі жыл берілді.

Сәуір айында Пак Кын Хеге сыбайлас жемқорлық, пара алу, лауазымдық өкілеттіктерін асыра пайдалану, мемлекеттік ақпаратты жария ету сияқты айыптаулар тағылған еді. Сол кезде Сеул соты экс-президентті 24 жылға соттаған.

Дереккөз: sputniknews.kz

20 шілде 2018, 15:46

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.