"Топырақ шашқаннан басқа амалымыз жоқ"

Бүгін, 17 шілдеде, таңертең Атырау аспанын тағы да қалалық қоқыс төгу полигоны жағынан келген қалың түтін жапты. "АЖ" тілшісі түтін ошағы басына барды, күзетшілердің әрекетіне қарап бұл аумақты құпия нысан дерсің.

"Арнайыавтобаза" КМК басшысы Жанболат СҰЛТАНҒАЗИЕВ жақтырмаған қатқыл үнмен өрттің қашан сөнетіні туралы ештеңе білмейтінін айтты. 

Амалсыздан кәнігі әдетімізге басып, жұмысшылардан сұрадық.

- Бұл жерде бірнеше жылдардан жатқан әр түрлі қоқыс шіріп, газға айналады,- дейді қоқыс полигоны жұмысшысы. - Сөндіру оңай емес, топырақ шашқаннан басқа амалымыз жоқ. 

Фархат ӘБІЛОВ

Суреттер мен бейнежазбаны түсірген Нұрбейбіт НҰҒЫМАНОВ