Трамп-Путин саммиті басталды

1 813 просмотра

Хельсинкиде (Финляндия) АҚШ және Ресей президенттері Дональд Трамп пен Владимир Путиннің кездесуі басталды. Саммит Президент сарайында өтіп жатыр. Трамп пен Путинди Финляндия президенті Саули Ниинисте қарсы алды.

АҚШ пен Ресей президенттері кездесу алдында журналистермен кездесті. Путин бұл саммитте екі ел арасындағы қарым-қатынас, халықаралық мәселелер талқыланатынын айтты.

Трамп Путинді әлем чемпионатын сәтті өткізуімен құттықтады. АҚШ президентінің айтуынша, бұл кездесуде сауда, ядролық қару мәселелерді талқыланады. Трамп саммит екі ел арасындағы қатынасты жақсартады деп үміттенеді.

Журналистермен кездесуден кейін Путин мен Трамп келіссөзді бастады. Жоспар бойынша екі президент жеке кездеседі. Кейін оларға екі ел делегациясы қосылады

Дереккөз: azattyq.org

16 шілде 2018, 16:41

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.