Ауладан табылған «лимонка»

12 шілдеде Атырауда Павлик Морозов көшесінде жергілікті тұрғын ауласында жер қазып жатып, «Ф-1» әскери гранатасын (ауызекі тілде «лимонка») тауып алған. Қауіпті олжасы туралы ол дереу Төтенше жағдайлар департаментіне хабардар етеді.

- Жер қазу кезінде гранатаға ұқсас зат табылған. Оның тот басқан, бірақ ақаусыз жаяу әскерге қарсы «Ф1» қол гранатасы екені анықталды, - деп хабарлады Атырау облыстық ТЖД баспасөз қызметіндегілер. – Саперлер оны полигонға апарып, жару арқылы жойып жіберді.

Фархат АБИЛОВ