«Астана Каспийде АҚШ-тың әскери базасы жоғын тағы мәлімдеді», «"Қазақстанға заңсыз өткен" Қытай қазағының соты басталды», «Астанада биржа ашылды. Бұл Қазақстан экономикасын дамытуға көмектесе ме?», «7-20-25: кім, қалай және қандай бағамен пәтер алады?».

AZATTYQ.ORG. «Астана Каспийде АҚШ-тың әскери базасы жоғын тағы мәлімдеді» - Ресейлік тележүргізуші Владимир Соловьев өз хабарында "Қазақстан Каспий теңізіндегі әскери базаларын АҚШ-қа беріп қойды" деген мәлімдеме жасаған. Бір аптадан соң Астана бұл сөзді жоққа шығарды. 

«"Қазақстанға заңсыз өткен" Қытай қазағының соты басталды» - Жаркент сотында "Қазақстанға заңсыз өтіп кетті" деп айыпталған Қытай қазағы Сайрагүл Сауытбайды кері қайтару я қайтармау мәселесі қарала бастады. Туыстарының айтуынша, айыпталушы Қытайда саяси тәрбие лагерінде жұмыс істеген.

INFORMBURO.KZ. «Астанада биржа ашылды. Бұл Қазақстан экономикасын дамытуға көмектесе ме?» - Небәрі үш жылда Астанада халықаралық қаржы орталығы құрылды. Қазақстан қаржыгерлер еліне айнала ма? 

AIKYN.KZ. «Жаңа бағдарлама кімдерді жарылқайды: банкті ме, халықты ма?» - Ұлттық банк төрағасы Данияр Ақышев «7 – 20 – 25» бағдарламасы бойынша баспана берудің басталғанын ресми түрде жария еткеннен кейін, елімізде ипотекалық жолмен баспанаға ие болудың жаңа толқыны іске қосылды. 

«Дмитрий Ярош: Біз ресейдің ішіне іріткі салуымыз керек» - Украинаның бұрынғы Қорғаныс министрі Анатолий Гриценко Ресейдің құрамына кірген Қырым Республикасын күшпен қайтарып алу мүмкін емес деп есептейді.

SPUTNIKNEWS.KZ «7-20-25: кім, қалай және қандай бағамен пәтер алады?» -Қазақстанда "7-20-25" бағдарламасы іске қосылды, жеті адам осы бағдарлама бойынша несие алып үлгерген.

«Отқа жағу не дарға асу. Әлем елдері педофилдерді қалай жазалайды?» - Соңғы кезде қоғамда педофилия дерті дендеп барады. "Педофил" сөзін естіген жұрттың төбе шашы тік тұрып, жаны түршігетін жағдайға жетті. Әлем елдері "ақырзаман ауруымен" шама-шарқынша күресіп, "сәбиқұмарларға" тосқауыл қоюда. Осы тұста Sputnik Қазақстан тілшісі шет мемлекеттерде педофилдермен күрес қалай жүргізілетінін зерделеп, жаза түрлеріне шолу жасағанды жөн көрді. 

ABAI.KZ. «Құлдық менталитеті басым Қытай әлемге жетекшілік етпек пе?» - АҚШ-ның бүгінгі супердержавалық ықпал мен жетекшілік қарымға қалай қол жеткізген тарихы кімге болмасын қызықты екені ақиқат. Қазіргі таңда құлдық менталитеті басым бола тұра Қытай қазір әлемге жетекшілік ету үшін барын салып жатқаны белгілі.