Атыраудағы Балықшылар күні

Бүгін, 7 шілдеде, Атырауда Балықшылар күні тойлануда. Ол таңертең ертемен қалалық әкімдік алдындағы жағажайда балық аулау турнирінен басталды. Содан кейін «Атырау» шипажайының жанындағы үлкен пирсте екі балық өсіру зауыты бекіре тұқымдас балықтардың 20 мың шабағын өзенге жіберді.

Сонымен қатар, облыс әкімдігі алдындағы алаңда балық өнімдерінің жәрмеңкесі өтті. Сәл кейінірек осы жерде Атырау облысы әкімінің бірінші орынбасары Серік ШАПКЕНОВ мерекеге қатысушылар мен қонақтарды құттықтады. Сала қызметкерлерін марапаттау рәсімі өткізіліп, әртістер өнер көрсетті. Сағат 19.00-де бұл жерде концерт басталады, соңында  отшашу болады.

Нұрбейбіт НҰҒЫМАНОВ

Суреттерді және бейнежазбаны түсірген автор