В Атырау +3 
Атырау қалалық №2 соты ҚР Қылмыстық кодексінің 191-бабы 2-тармағының 3-тармақшасы бойынша («Адамдар тобының алдын ала сөз байласуымен тонау») айыпталған жергілікті екі тұрғынға үкім шығарды.
Анықталғандай, 2018 жылдың ақпанында Х. және С. көшеде №22 мектептің екі оқушысына жақындап, қорқытып, ұялы телефондарын тартып алған. Осыдан кейін олар Амандосов көшесіне қарай бет алып, сол жерде «Батыс-15» полицей патрулінің қызметкерлері ұстайды. Мүліктік зиян 75 000 теңгеге бағаланған.
Сот оларды кінәлі деп тауып, С.-ны 3 жылға бас бостандығын шектеуге, ал бұрын сотталған Х.-ны ең жоғарғы қауіпсіздік колониясында 3 жылға бас бостандығынан айыру жазасына кесті.
Фархат ӘБІЛОВ
2 шілде 2018, 13:15