​АҚШ Түркияға санкция салмақ

АҚШ президенті Дональд Трамп пен Түркия басшысы Режеп Тайып Ердоған. Фото: News Front АҚШ Түркияға санкция салмақ – деп хабарлайды Oxu.az ақпарат көзі. 

АҚШ мемлекеттік хатшысының Еуропа және Еуразия мәселелері бойынша көмекшісі Уэсс Митчелл журналистер алдында сөйлеген сөзінде: «Егер ресми Анкара Ресейдің С-400 әуе қорғаныс жүйесін сатып алатын болса, онда біз Түркияға санкция салатын боламыз» - деп мәлімдеді. 

Естеріңізге салайық, 2017 жылдың қыркүйек айында Анкара мен Мәскеу жалпы құны 2,5 миллиард долларды құрайтын С-400 әуе қорғаныс жүйесін сату және сатып алуға байланысты құжаттарға қол қойған. 

Түркия билігінің бұл әрекетіне АҚШ қарсы шыққан. Себебі заң бойынша, НАТО-ға мүше елдер бір стандарттағы қару-жарақтарды пайдалануы тиіс. 

Дереккөз: “The Qazaq Times”