Мысыр – Сауд Арабиясы матчының комментаторы ойын кезінде көз жұмды

Мысырлық ойыншылар өз тобындағы үш матчта да жеңіліп, соңғы орынды иеленді. Әлем чемпионатының А тобындағы Мысыр мен Сауд Арабиясы құрамаларының матчы кезінде мысырлық "Замалек" клубының бұрынғы бапкері, қазір спорт комментаторы болған Абдрахим Мухаммед Негма қайтыс болды, деп жазды prosports.kz.

Комментатор осы кездесуді мысырлық телеарналдардың бірінде жүргізіп отырған. Алайда ойын кезінде Негманың жүрегі ұстап қалып, көп ұзамай көз жұмды.

Айта кетейік, бұл ойында Мысыр футболшылары есепте алда болған, алайда кейін Сауд Арабиясы құрамасы есепті теңестіріп, матчтың соңғы минуттарында жеңісті жұлып әкетті.

Осылайша, мысырлық ойыншылар өз тобындағы үш матчта да жеңіліп, соңғы орын алған еді.

Дереккөз: sputniknews.kz