В Атырау
+2 
Кеше белгісіз біреулер Мексиканың Оахака штатында "Морена" партиясы атынан депутаттыққа үміткер болған Лопес Авенданьо мен тағы осы партиядағы төрт адамды сайлау алдындағы сапары барысында өлтіріп кеткен, - деп хабарлайды РИА Новости.
"Біздің округте жергілікті депутаттыққа үміткер болған Эхутла Эмигдио Лопес Авенданьо мен тағы төрт адам өлтірілді. Олар Сан-Висенте-Коатлада сайлау алды сапарда болған", - деп жазды сенаторға үміткер Саломон Хара Крус Twitter желісіндегі парақшасында.
Алдын ала мәлімет бойынша, "Морена" партиясының бес мүшесіне оқ атылған. Оның себебі әзірше белгісіз, тергеу жүріп жатыр. Ал Etellekt компаниясы өкілдерінің мәліметінше, 9 маусымдағы жағдай бойынша сайлау алды сапарлар барысында 112 саясаткер өлтірілген.
Дереккөз: tengrinews.kz